MBUNGE MCHANGA ZAIDI ACHAGULIWA UINGEREZA MIAKA 20 TU

Wapiga kura nchini Scotland wamemchagua mwanafunzi wa chuo kikuu kuwa mbunge wao.

Bi Mhairi Black, alishinda kura za eneo bunge la Paisley and Renfrewshire South na kumbwaga kigogo wa chama cha Labour aliyekuwa waziri wa maswala ya kigeni bwana Douglas Alexander.
Mbali kuzua mjadala kwa kumbwaga kigogo wa chama cha Leba na kumaliza ukiritimba wa chama cha Leba Bi Black sasa ndiye Mwakilishi wa kwanza katika kipindi cha miaka 70 ambaye si mwanachama wa Leba.

Mbunge mchanga zaidi Uingereza Mhairi Black

Lakini Bi Black alihakikisha jina lake linaingia katika kumbukumbu za historia kwa kuvunja rekodi hiyo iliyowekwa miaka 350 iliyopita alipozoa kura 23,548 dhidi ya 17,864 za Alexander.
Majuzi hata hivyo mbunge aliyekuwa akitambuliwa kama mchanga zaidi kuchaguliwa alikuwa ni Charles Kennedy wa chama cha Liberal Democrat aliyechaguliwa akiwa na umri wa mia 23.UTUKUFUHUU.BLOGSPOT.COM